lunes, 10 de julio de 2017

HAMPIQ TAYTA ARQUIPA WILLAKUYNIN


Unayñas hampi qurakunawanqa tayta Arquiqa riqsisqan mana riqsisqan urqukunapi hampipakuspa purisqa Chayna purichkaptinsi karbunku unqusqa wakakunawan tuparqusqa.

Hinaspas sumaqta qawariykuspa hampiyta ima qurakunawan qallarisqa, ichaqa wakillantas asllallata hampisqa. Wakinñataqsi millapallaña aychan yanallaruptin wañurqusqa.

Chaymantam wañuq wakapa umanta kuchuspa, huk hatun ñanman rispa kayniraq rimayninwansi: “ripukuyña niñucha, amaña waqachiwaykuñachu” nispam sumaqta pagapaspa uywa unquytaqa kacharparisqa.
Wakin llaqtakunapiqa, karbunku unquytaqa ‘visita’ nisqawanmi sutichanku. Kay unquytaqa chuspikunas apamunku. Chaykunam kanchaman chayaykuspa tawa utaq pichqa uywata kaniykuspa huk punchawllapim wañuchin. Chayraykum runakunaqa wañuqpa umanwan ima rikchaywanpas  kuskanchaspa runatahina rimapayaspanku kacharparinku. 

Wayta sisacha